Euskarazko bat-bateko transkripzioak
Nazioarteko kongresu eta jardunaldietan, geroz eta ohikoago da bat-bateko transkripzio automatikoak eskuragarri izatea zuzeneko hitzaldietan. Teknologia hauek irisgarritasun-neurri gisa oso baliagarriak dira. Ez soilik entzumen-arazoak dituzten pertsonentzat edo arazo kognitiboak dituztenentzat, baita hizkuntza erabat menperatzen ez dutenentzat ere. Euskaraz horrelako zeozer posible al da? Orain arte ikusi ditudan adibideak ingelesez egiten dira. Duela gutxi euskarazko Whisper eredu berriak argitaratu nituela aprobetxatuz, esperimentu txiki bat egitea erabaki nuen. whisper-tiny-eu bezalako eredu txiki eta arin bat erabiliz, gai izango ote gara euskarazko bat-bateko transkripzio automatikoa egiteko? ...